Oskar Kabrera bilan intervyu: real savdo nega natija koʻrinishidan oldin boshlanadi

Oskar Kabrera savdo qilishni tahlildan muvaffaqiyatgacha bo‘lgan mukammal bir chiziq deb ta’riflamaydi. U kutish, bosim, noto‘g‘ri qarorlar, kapitalning kamayishi hamda nazoratni yo‘qotmasdan davom etish uchun zarur bo‘lgan intizom haqida gapiradi. 

Uning hikoyasini boshqalardan ajratib turadigan ham aynan shu. 

LATAM mintaqasida faoliyat yurituvchi Oskar 2018-yilda buxgalteriyani o‘qib, universitet ma’muriyatida ishlash bilan birga bitcoin va yana bir nechta kriptovalyuta bilan savdo qila boshlagan. Bugun u bitcoin bo‘yicha ixtisoslashgan treyder, kontent yaratuvchisi, ta’lim beruvchi va yangi Exness Team Pro a’zosidir. 

Ushbu intervyuda Oskar nega bitcoin uning asosiy bozori bo‘lib qolganini, nega u foydani ham, zararni ham ko‘rsatishini va real savdodan olinadigan eng muhim saboq ko‘pincha natija ekranda paydo bo‘lishidan oldin kelishini tushuntiradi 

Qachondan boshlab bitcoin siz uchun shunchaki qiziqish bo‘lishdan to‘xtab, jiddiy narsaga aylandi 

Dastlab meni moliyaviy ahvolni o‘zgartirish imkoniyati o‘ziga tortdi. Men bitcoin va boshqa kriptovalyutalardan boshladim, bozor qanchalik tez harakatlanishini ko‘rganimda esa uni yaxshiroq tushunishni xohladim. 

Men yosh edim: buxgalteriya yo‘nalishida o‘qirdim va universitet ma’muriyatida ishlardim. Men an’anaviy moliya sohasidan kelmaganman. Men hujjatlar va talabalar qaydlari bilan ishlarkanman, bozorlar qanday harakatlanishini o‘rganardim. 

Bitcoin bo‘yicha ilk natijalarimni ko‘rganimda, bunga jiddiy yondashishim kerakligini angladim. Bu shunchaki chetdan kuzatib turiladigan narsa emasdi. Men uni puxta tushunishni istagandim. Shu paytdan boshlab men yanada diqqat bilan o‘rganishni boshladim 

Ko‘p narsani o‘zim mustaqil o‘rganishimga to‘g‘ri keldi. Bu esa kimga ishonish borasida meni ehtiyotkor qildi. Internetda odamlar savdo haqida gapirishardi, ammo men hammaning ham haqiqatan savdo qilmasligini tushunib yetdim. Ba’zi odamlar shunchaki chiroyli ko‘rinish yaratishga urinardi. Bu esa meni o‘z jarayonimni shakllantirishga undadi. 

Nega bitcoin savdoingizning markazida qolmoqda? 

bitcoin — men eng yaxshi tushunadigan aktiv, chunki men u bilan yillar davomida savdo qilib kelganman. Men oltin, Nasdaq va boshqa yirik instrumentlar kabi bozorlarni ham tahlil qila olaman, ammo o‘z kapitalimni bozorga kiritganimda, o‘zimni eng ishonchli his qiladigan aktiv — bitcoin. Mening yondashuvim texnik tahlil, narx harakati va to‘g‘ri vaqtni tanlashga asoslangan. Men bitcoin bozor siklining qaysi bosqichida ekanini va u bir fazadan boshqasiga qanday o‘tishini tushunishga harakat qilaman. Men uchun bitcoinda savdo qilish har bir harakatni quvib yurish degani emas. Bu to‘g‘ri paytni kutish va bozor haqiqiy imkoniyat yaratgan lahzani aniqlash haqida. Bitcoinni shuncha vaqt kuzatganingizdan keyin, uning qanday harakatlanishini, qanday munosabat bildirishini va qaysi paytda vaqtni to‘g‘ri tanlash muhimligini tushuna boshlaysiz. Men uni yoshligimdan savdo qila boshlaganman, yillar davomida juda yaqindan kuzatganimdan keyin esa u deyarli do‘stdek tuyuladi."

Kontentingizda jonli savdolar va yo‘qotishlar ham bor. Nega noqulay tomonlarini ham ko‘rsatasiz? 

Chunki yo‘qotishlar savdoning bir qismi hisoblanadi. Agar odamlar faqat foydani ko‘rsa, savdo oson deb o‘ylashi yoki har bir savdo albatta ish berishi kerak, deb ishonib qolishi mumkin. Bu haqiqat emas. 

Men yo‘qotishlarni ko‘rsatganimda, odamlar maqsad har bir yo‘qotishdan qochish emasligini tushunishini istayman. Maqsad — xatarni boshqarish, natijani qabul qilish va nazoratni yo‘qotmasdan davom etish. 

Men uchun shaffoflik — faqat natijani emas, jarayonni ham ko‘rsatish degani. Men jonli savdoni ko‘rsataman, chunki odamlar haqiqatda nimalar bo‘lishini ko‘rishini xohlayman: kirish, kutish, xatar, tushish va ba’zan zarar. 

Agar kimdir faqat foydani ko‘rsatsa, odamlar ortidagi riskni tushunmasdan turib, o‘sha ishonchni ko‘chirib olishi mumkin. Bu xavfli bo‘lishi mumkin. Real savdo har ikkala tomonni ham o‘z ichiga oladi. 

Kontent yarata boshlaganingizda nimaga qarshi munosabat bildirgansiz? 

Savdoga oid kontentning ko‘p qismi imidj atrofida qurilgandi. Odamlar mashinalar, hashamat va ideal hayotni ko‘rsatishardi, ammo savdolarni, xatarni yoki qiyin paytlarni har doim ham ko‘rsatishmas edi. 

Bunday kontent menga hech qachon o‘rganishda yordam bermagan. 

LATAMda men buni ko‘p ko‘rganman. Turmush tarzi ko‘zga tashlanardi, lekin ba’zan savdoning o‘zi yetishmasdi. Men buning teskarisini qilmoqchi edim. Men odamlar haqiqiy treyderning jarayonini — mehnatni, kutishni, qarorlarni va xatolarni — kuzatishini xohlaganman 

Agar odamlar menga ergashsa, ular muvaffaqiyatning shunchaki ko‘rinishini emas, real savdoni ko‘rishi kerak. 

Savdoga aloqador bo‘lmagan eng katta xatolaringiz sizga nimani o‘rgatgan? 

Men pul topish va pulni boshqarish — ikki xil ko‘nikma ekanini tushundim. Yoshligimda bozorda foyda ko‘rar, topganimni biznes va ko‘chmas mulkka sarmoya qilishga harakat qilardim. Savdodan tashqarida xatolarga yo‘l qo‘ydim va pul yo‘qotdim. 

Bu mening fikrlash tarzimi o‘zgartirdi. 

Savdo imkoniyatlar yaratishi mumkin, ammo foyda olingandan keyin ham intizom zarur. Bozorda pul topish — bir sinov. Uni saqlab qolish, undan to‘g‘ri foydalanish va yana nolga qaytib ketmaslik — boshqa bir sinov. 

Odamlar o‘sha xatolarni takrorlamasligini istaganim uchun buni hamjamiyatim bilan bo‘lishaman. Bozorlar sizni bosim ostida ishlashga o‘rgatadi, ammo savdodan keyingi hayot ham mulohazali qarorlarni talab qiladi. 

Nega Sving treyding sizga kunduzgi savdodan ko‘ra ko‘proq mos keldi?

Men kunduzgi savdoni sinab ko‘rdim, lekin qarorlar qabul qilish tezligi menga to‘g‘ri kelmadi. Hamma narsa juda tez sodir bo‘ladi. Qarorlarni tez qabul qilishga to‘g‘ri keladi, men esa bu uslub psixologiyamga mos kelmasligini angladim. 

Sving treyding menga o‘ylash, reja tuzish va pozitsiyani boshqarish uchun ko‘proq vaqt beradi. Bu menga sabrliroq bo‘lishimga va hissiyotlarga kamroq berilishimga yordam beradi. Men xatarni tahlil qila olaman, kirish signalini kutaman va savdoning rivojlanishi uchun vaqt beraman. 

Bu Sving treyding oson degani emas. Baribir intizom kerak va yo‘qotishlarni ham qabul qila bilish lozim. Ammo men uchun bu shaxsiyatimga ko‘proq mos keladigan tarzda savdo qilishimga imkon beradi. 

Sving savdolarida koʻproq tejang

Ommabop savdo instrumentlarida nol svoplardan bahra oling.

Savdoni boshlash

Kapitalning kamayishi paytida hissiyotlar ustun kelib ketmasligi uchun nima qilasiz? 

Avvalo, pozitsiyaga kirishdan oldin xatarni bilib olish kerak. Nimani yo‘qotishga tayyor ekanimni bilsam, savdoni ko‘proq nazorat bilan olib bora olaman. 

Qiyin lahzalarim ham bo‘lgan. Bir savdoni eslayman: ancha kichik pozitsiya bilan boshlagandim va oxir-oqibat kapitalim juda katta tushishga (drawdown) duch kelgandi. Bunday paytlarda chegarangizni bilishingiz kerak. Savdo shu miqdordagi zarar darajasiga yetsa, uni yopaman va buni qabul qilaman, deydigan punktni bilishingiz kerak. 

Balki shundan keyin o‘zingizni yomon his qilarsiz. Balki uxlab olishingiz, biroz chetga chiqib dam olishingiz yoki kerak bo‘lsa yig‘lab olishingiz ham mumkin. Ammo bu hissiyotlarning savdoni boshqarib ketishiga yo‘l qo‘ygandan ko‘ra baribir yaxshiroq. 

Pozitsiya ochiq turgan paytda qo‘rquv yoki qasos hissi bilan qaror qabul qilishdan qochishga harakat qilaman. Men uchun hissiy jihat texnik jihat kabi muhim. O‘zingizni boshqarmasangiz, hatto yaxshi tahlil ham yomon qarorga aylanib qolishi mumkin. 

Qachon savdo qilmaslik vaqti kelganini bilasiz? 

Bozor aniq imkoniyatlar bermasa, chetga chiqib turaman. Ba’zan eng to‘g‘ri qaror — savdo qilmaslik. 

Bu ayniqsa yaxshi davrdan keyin muhim. Bir necha oy davomida oldinga siljisangiz, bozor beqaror bo‘lib qolganda bitta yomon oyda hammasini yo‘qotib qo‘yishni istamaysiz. 

Bitcoin bozorida noaniqlik bo‘lib, kirish ssenariylari kuchsiz bo‘lsa, erishgan foydamni saqlab qolib, volatillik qaytishini kutishni afzal ko‘raman. 

Chetga chiqib turish zaiflik emas. Ba’zan bu treyder qila oladigan eng professional qarordir. 

Siz uchun odatiy savdo kuni qanday o‘tadi? 

Odatda ertalab qahva bilan boshlayman, keyin kompyuterga o‘tiraman. Ko‘pincha Nasdaq ochilishini kuzataman va o‘sha davrda bozorni tomosha qilishga vaqt ajrataman. 

Keyin esa ekranlardan biroz uzoqlashaman. Faol bo‘lib turishni yoqtiraman, chunki savdo qilish kompyuter oldida ko‘p vaqt o‘tkazishni anglatadi. Zalga boraman, boks bilan shug‘ullanaman yoki boshqa sport turlari bilan mashg‘ul bo‘laman.

Kechasi esa ertangi kun yoki kelasi hafta uchun tayyorgarlik ko‘rish maqsadida bozorlarga qaytaman. Bitcoinni ko‘rib chiqaman, fikrlarimni jamlayman va rejalashtirishga arziydigan Sving treyding imkoniyati bormi-yo‘qligini aniqlayman. 

Bu balans muhim. Kun bo‘yi diagrammalar oldida o‘tirib qololmaysiz. Ongingizni ham, tanangizni ham faol holatda ushlab turishingiz kerak. 

LATAM bo‘ylab yosh treyderlar ko‘proq va tez-tez nimalarni eshitishi kerak? 

Ular intizom hammasidan muhim ekanini tushunishlari kerak. 

Bozorlar murakkab. Savdo qilish boshqalardan ko‘chirib olib darrov muvaffaqiyatga erishadigan narsa emas. O‘zingizning jarayoningizni shakllantirishingiz kerak. O‘zingizni, tavakkalingizni va hissiyotlaringizni tushunishingiz kerak. 

Men uchun bu xabar o‘z yurtimdan boshlanadi, ammo LATAM bo‘ylab kengroq auditoriyaga ham tegishli. 

Yosh treyderlarga kamroq "tezkor yo‘l"lar, ko‘proq esa intizomli savdo aslida qanday bo‘lishiga doir misollar kerak. 

Shuningdek, mintaqamizdan bo‘lgan inson ham savdo va ta’lim orqali chinakam biror narsa yarata olishini ko‘rishlarini istayman. LATAM o‘sib bormoqda. 

Har yili tobora ko‘proq yoshlar bozorlarga qiziqa boshlayapti. Menimcha, bu endi boshlanishi, xolos. 

Exness Team Pro’ga qo‘shilishdan oldin brokerga ishonch nega muhim edi? 

Ishonch muhim, chunki odamlar kontentimni kuzatadi va aytganlarimga quloq soladi. Bu esa menga mas’uliyat yuklaydi. Men brokerni faqat hamkorlik tufayli tavsiya qila olmayman. 

Hamjamiyatim menga ishonadi, shuning uchun men bu ishonchni asrashim kerak. Savdo sektorida g‘alati holatlar ko‘p, odamlar esa o‘zini xavfsiz his qilishi kerak. Agar broker bilan ishlasam, bu qarorimni faqat so‘z bilan emas, o‘z tajribam bilan ham tasdiqlay olishim kerakligini bilishim kerak. 

Exness Team Pro’ga qo‘shilish siz uchun nimani anglatadi? 

Bu mas’uliyatni anglatadi. Exness Team Pro jamoasining bir qismi bo‘lish menga yanada kengroq imkoniyatlar yaratadi, ammo bu shuni ham anglatadiki, odamlar nima qilayotganimni va nimani qo‘llab-quvvatlayotganimni kuzatib borishadi. Men uchun bu hamkorlik mantiqan to‘g‘ri, chunki qadriyatlar mos: shaffoflik, ta’lim, intizom va ishonchlilik. Bu, shuningdek, faxr nishonidir. Exness Team Pro jamoasining bir qismi bo‘lish o‘zimdan ham kattaroq narsani ifodalash degani. Ammo eng muhimi — mas’uliyat. Odamlar meni Exness bilan bog‘liq deb ko‘rsa, buning sababi — platformaga ishonishim va u mening hamjamiyatim uchun mantiqan mos kelishidir, deb bilishlari kerak."

Yangi boshlovchiga qoldiradigan bitta saboqingiz nima? 

Savdo qilishga oson pul topish deb o‘ylab kirmang. Bozor murakkab va u sizni sinovdan o‘tkazadi. Diqqatingizni jamlang. O‘rganishda davom eting. Intizomni boshidanoq shakllantiring. 

Agar savdo qilish siz uchun jiddiy mashg‘ulotga aylanishini istasangiz, unga jiddiy yondashing. Eng muhimi — intizom. Agar nimanidir istasangiz, maqsadingizga yetguncha davom etishingiz kerak. Savdo qilishda bozorni uddalay oladigan insonga aylanish maqsadlaringizga erishishingizga yordam beradi.

Xulosa 

Oskar Kabrera hikoyasi “qisqa yo‘l”larga tayanmagan. U savdo qilishni halol ko‘rsatishga asoslangan: yutuqlar, yo‘qotishlar, kutish va har bir qaror orasida zarur bo‘ladigan hissiy nazorat. 

U Exness Team Pro jamoasiga qo‘shilar ekan, Oskarning xabari hamon oydinligicha qoladi. Intizom shov-shuvdan muhimroq. Shaffoflik marketingdan muhimroq. Va izchillik tez natijalarni quvishdan muhimroq. 

LATAM bo‘ylab va undan tashqaridagi treyderlar uchun Oskar faoliyati shuni eslatadiki, uzoq muddatli o‘sish bozorni ham, o‘zingizni ham boshqarishni o‘rganishdan boshlanadi.